Planta bianyal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una planta bianyal ye una especie de planta que completa o suyo ciclo vital en dos anyos, anque a senectut y muerte puede producir-se adintro d'una fracción determinada de o segundo anyo, sin arribar a completar necesariament dos anyos de vida.

En muitos casos, a estratechia d'site tipo de plantas consiste en fer tallos y fuellas aerios en os meses climatolochicament favorables d'o primer anyo, mientres que almagazenan substancias de reserva en teixius especializaus (de regular, soterranios) como radices tuberosas, rizomas, bulbos u tuberclos. Os ditos teixius aerios se marceixen cara ta's meses mas fridos, y a planta rebrosta de primaveras solo ta completar o suyo ciclo; en muitas especies solo ta fer flor, fructificar y alavez morir.

Son exemplos de plantas bianyals domesticadas a remolacha, a verza, l'apio y a carota. Belatras, como a cebolla, completan o suyo ciclo en dos anyos diferents, presentando en o segundo anyo solo que o teixiu floral (inflorescencia) y o fruito posterior como teixius aerios, por o que a sobén s'entivoca con una blanta bianyal. Manimenos, en o caso d'a cebolla, a planta no muere anque si que seneixen as suyas partes aerias, y o bulbo torna a ser viable a l'anyo tercer, cuarto y succesivos, por o que en verdat se tracta d'una planta perén.